(ВИДЕО) Дванаесет турски војници починаа од труење со метан во пештера во северен Ирак

Дванаесет турски војници починаа од труење со метан во пештера во северен Ирак додека бараа тело на турски војник убиен од курдски борци, објави денес турското Министерство за одбрана.

Министерот за одбрана Јашар Ѓулер и командантите на вооружените сили отпатуваа во Ирак за да „извршат увид и проценка“ на ситуацијата и ќе присуствуваат на погреби.

Турција е во војна во северен Ирак од април 2022 година против Курдистанската работничка партија (ПКК), која е активна во Турција со децении.