Жена и маж, кои имаат 49, односно 72 години, се примени во болница по напад на мечка во градот Липтовски Микулас.
Две лица се примени во болница по напад на мечка во словачкиот град Липтовски Микулас, соопшти итната помош на тој град.
Официјални лица потврдија дека 49-годишна жена се здобила со повреда на рамото, додека на 72-годишен маж му била укажана помош поради исекотина на главата.
Според извештаите, полицијата успеала да го избрка животното од градот во шумата.
Еден ден претходно, се појави вест дека 31-годишна Белорусинка, наводно, починала откако паднала додека се обидувала да избега од кафена мечка во блискиата словачка планина Долна Татра.
Таа се шетала во оваа област во друштво на маж низ густа шума и стрмни клисури, кога ги нападнала мечка. Мажот тврдел дека побегнале од животното во различни правци.
Набргу откако повикал помош, кучињата трагачи го пронашле телото на жената.
Претходните години во Словачка имаше неколку напади на мечки, а еден од нив беше фатален, што е прв ваков случај во оваа земја во последните 100 години.