Сакиб Хусеин и неговиот пријател Мухамед Ијазудин погинаа кога нивниот автомобил удри во дрво. Како што изјавија од судот во Англија, за нивното убиство обвинети се инфлуенсерката Махек Бухари, попознат како Маја и нејзината мајка Ансрин Бухари.
Mahek Bukhari, 23, known as Maya, is accused alongside her 46-year-old mother Ansreen Bukhari of killing 21-year-old Saqib Hussain, who died in a car crash on the A46 dual carriageway in Leicestershire shortly after midnight on February 11, 2022. https://t.co/ItwoLiwmI0
— Bob (@RobCHughes) April 24, 2023
Мајка и ќерка сакаа да го замолчат Хусеин и да го спречат да ги објави деталите за неговата афера со Ансрин. На суд беше објавено дека Хусеин ја уценувал Ансрин да им каже на сопругот и синовите за аферата, а нивните приватни снимки и фотографии да ги објави на социјалните мрежи, пишува Гардијан.
Покрај мајката и ќерката, за соучесништво им се суди и на Наташа Актар (22), Рис Џамал (22), Рекан Карван (28), Мухамед Пател (20), Санафом Гуламустафа (22) и Амер Џамал (27).
🔴 Mahek Bukhari and her mother Ansreen Bukhari are accused of arranging the collision when Saqib Hussain threatened to release a sex tapehttps://t.co/RN02EGS2ME
— The Telegraph (@Telegraph) April 24, 2023
Повикот на Хусеин до полицијата, кој тој го упатил непосредно пред несреќата, ѝ бил пуштен на поротата во судот. Тој рече: „Ме следат две возила“. Се обидуваат да ме убијат. Ќе умрам“.
Кога возилото на Хусеин удрило во дрво, тоа се поделило на два дела, а потоа се запалило.
Обвинителот Колингвуд Томсон рече дека Хусеин им се фалел на своите пријатели за врската со Ансрин иако тие често се расправале.
Сепак, Ансрин ја прекина врската, а Хусеин стана поопсесивен, сакајќи да ја обнови врската, рече Томсон.
Почнал да ја уценува со експлицитни фотографии и видеа, барајќи од неа 3.000 евра, а Ансрин ништо не пријавила во полиција, бидејќи се плашела дека нејзиниот сопруг ќе дознае за аферата, изјави обвинителот.
Наместо тоа, таа и се довери на нејзината ќерка Махек, која во тоа време имаше околу 230.000 следбеници на TikTok. Обвинителството тврдеше дека таа го организирала убиството.
Томсон рече дека мајката и ќерката „планирале да му го одземат мобилниот телефон на Хусеин кој ги содржел спорните фотографии и видеа“.
„Махек беше свесна дека аферата ќе и наштети на нејзината кариера и углед“, рече обвинителот.
Судењето продолжува.