Министерството за надворешни работи на Естонија соопшти денеска дека прогласило руски дипломат во Талин за непожелна личност поради мешање во внатрешните работи.
„Естонија денеска прогласи персонал на руската амбасада со дипломатски статус за персона нон грата“, напиша шефот на дипломатијата на Естонија, Маргус Цахна, на платформата „Х“.
Според неговите зборови, Руската амбасада „се мешала во внатрешните работи на Естонија, поточно во судски процес, со набавување на документи за кривичноро дело и придонесувајќи за нивно објавување на руските социјални мрежи“.
Today #Estonia declared a member of the Russian embassy’s staff with diplomatic status 𝑝𝑒𝑟𝑠𝑜𝑛𝑎 𝑛𝑜𝑛 𝑔𝑟𝑎𝑡𝑎.
We will not tolerate nor accept any interference by Russia in #Estonia’s internal matters & we´ll respond in a quick & concrete manner. https://t.co/aCCk34cdxU
— Margus Tsahkna (@Tsahkna) March 19, 2024
Цахна ги повика руските специјални служби „да престанат со координираните акции против Естонија, вклучително и хибридните операции“.
Официјалната протестна нота беше доставена до вршителот на должноста на руската амбасада во Талин бидејќи амбасадорот беше протеран од Естонија во јануари 2023 година. Тоа тогаш беше мерка на реципроцитет поради слична одлука донесена од Москва.
„По новото протерување, во руската амбасада во Талин ќе останат шест дипломати“ изјави за „Франс прес“портпарол на Министерството за надворешни работи на Естонија.