ЕУ со истрага против Фејсбук и Инстаграм: Предизвикуваат зависно однесување кај децата

ЕУ отвори формална истрага против Фејсбук и Инстаграм поради сомневање дека платформите во сопственост на Мета предизвикуваат зависно однесување кај децата.

„Не сме убедени дека направиле доволно за да се усогласат со обврските од Законот за дигитални услуги (Digital Services Act) за да се ублажат ризиците од негативни ефекти врз физичкото и менталното здравје на младите Европејци“, рече комесарот за внатрешниот пазар на ЕУ, Тиери Бретон.