Европската комисија соопшти дека Унгарија ги презела неопходните чекори за владеење на правото за пристап до 10,2 милијарди евра од фондовите на ЕУ. Овие средства се дел од сумите претходно блокирани од комисијата поради недостатоци во унгарското законодавство.
Една од причините што првично беа стопирани средствата беше поврзана со независноста на судиите, а Будимпешта потоа ги презеде потребните чекори, се појаснува во соопштението на комисијата. Се додава дека ЕК ќе ја следи усогласеноста со европските барања и може во секое време да ја ревидира денешната одлука.
Комисијата забележува дека втората причина за стопирањето на средствата биле пропустите во областа на јавните набавки, работата на обвинителството, случаите на судир на интереси, борбата против корупцијата. Нема пријавен напредок по овие прашања и пристапот на Будимпешта до уште 6,3 милијарди евра останува замрзнат. Засега Унгарија нема да може да искористи вкупно 21 милијарда евра од ЕУ.