207
Фајзер тужи долгогодишна вработена поради наводна кражба на „голем број“ доверливи документи, вклучувајќи и оние поврзани со вакцината против коронавирусот.
Во тужбата поднесена во вторникот пред федералниот суд во Сан Диего, „Фајзер“ тврди дека станува збор за вработената Џун Ксијао Ли, која го прекршила нејзиниот договор за доверливост со префрлање на повеќе од 12.000 датотеки, без дозвола, на нејзините лични сметки и уред.
Наводните материјали вклучуваат „прирачник“ од 24 септември кој содржи внатрешни проценки и препораки за вакцината на Фајзер-Бионтек против коронавирус.