Турскиот министер за надворешни работи Хакан Фидан рече дека „има земји кои го поддржуваат Израел, давајќи му оружје и политичка поддршка“.
„Израел е главната закана за меѓународниот мир и безбедност денес, со помош на нациите кои им обезбедуваат оружје и политичка поддршка“, изјави денес турскиот министер за надворешни работи Хакан Фидан.
„Денес Израел стана главна закана за меѓународниот мир и безбедност, но Израел не го врши ова злосторство сам“, рече Фидан на заедничката прес-конференција со неговиот јордански колега Ајман Сафади.
Тој рече дека „има земји кои го поддржуваат Израел, давајќи му оружје и политичка поддршка“.
Израел ја продолжи својата брутална офанзива врз Газа од октомври минатата година и покрај резолуцијата на Советот за безбедност на ОН која повикува на итен прекин на огнот.
Оттогаш, според палестинските здравствени власти, повеќе од 42.300 луѓе, главно жени и деца, се убиени, а повеќе од 99.000 се ранети.
Израелските напади го раселеа речиси целото население на територијата поради блокадата што резултираше со голем недостиг на храна, чиста вода и лекови.
Израел, исто така е обвинет за геноцид пред Меѓународниот суд на правдата за неговите постапки во Газа.
Фидан подвлече дека Израел врши геноцид во Газа повеќе од една година, а сега и израелскиот премиер Бенјамин Нетанјаху се обидува постепено да го окупира Либан.
„Израел, кој убива луѓе во овој регион од 1948 година, сега цели и кон странци“, рече турскиот министер.
Од 23 септември, Израел започна масовни воздушни напади низ Либан против, како што вели, цели на Хезболах, при што загинаа најмалку 1.542 луѓе, а беа повредени повеќе од 4.555.
Повеќе од 1,34 милиони луѓе беа раселени.
Осврнувајќи се на турско-јорданските односи, Фидан рече дека со јорданскиот колега разговарале за билатералните односи и оти имаат за цел првиот состанок на заедничката економска комисија да се одржи во првиот квартал од 2025 година.
Тој изрази желба и за зајакнување на соработката во одбранбената индустрија, истакнувајќи дека има многу договори кои се надеваат дека ќе ги потпишат во наредниот период, со цел што поскоро да се спроведат и уште повеќе да се продлабочат односите.