Физичка пресметка на пет лица од Вевчани и Велешта во близина на Струга

Две лица од струшкото село Велешта и тројца вевчанци утрово физички се пресметале во близина на Струга.

Причина за тепачката било нетрпеливост во сообраќајот.

– Утрово околу 8 часот во близина на продажен објект лоциран на регионалниот пат Струга – Дебар нарушен е јавниот ред и мир со физичка пресметка помеѓу А.К.(63) и В.Ш.(31), двајцата од струшкото село Велешта, од една и Б.Ѓ.(32), Д.Ѓ.(39), К.Ј.(40), сите од Вевчани, од друга страна, информира портпаролот на СВР Охрид Стефан Димоски.

Лицата, додаде, се приведени и по целосно расчистување на настанот ОВР Струга ќе поднесе соодветна пријава.