За време на фестивал во шпанскиот град Понтеведра, 18 лица се повредени кога автомобил влетал во шаторот каде што луѓето славеа.
Инцидентот се случил во неделата доцна навечер.
Во моментот кога автомобилот влетал во шаторот и ги прегазил луѓето, свирел оркестар, пренесе „НИУС Диарио“.
Најтешко поминал малолетник кој е во критична состојба, а бил префрлен во блиската болница „Сантијаго“.
Un atropello múltiple en una verbena en Vilanova de Arousa deja 18 heridos, cuatro de ellos graves https://t.co/2uYp5qxVTT
— RTVE (@rtve) May 8, 2023
Медицинските екипи на лице место укажале помош на 11 лица, додека седум лица со сопствен превоз се упатиле во болница.
Повредениот малолетник е во тешка состојба, има внатрешно крварење во пределот на стомакот.
Зад воланот била 81-годишната сопруга на Луис Фалконе Фалконети, шверцер на дрога, кој беше осуден за трговија со хашиш во 1990-тите.
Таа рекла дека додека возела почувствувала вртоглавица, кога се случила несреќата.