Според најновите информации објавени од „Гардијан“, семејството на Милорад Додик, претседател на Република Српска, наводно преговарало со западен функционер за негово заминување од политичката сцена.
Додик беше осуден на една година затвор и забрана за вршење јавна функција во траење од шест години поради непочитување на одлуките на меѓународниот претставник, Кристијан Шмит. Тој ги отфрли овие пресуди како политички мотивирани и продолжи со имплементација на сепаратистички закони, што предизвика загриженост меѓу западните земји.
Во меѓувреме, се појавија информации дека западните сили сериозно разгледуваат можност за отстранување на Додик од политичкиот живот, со поддршка за Шмит да го спроведе ова.
Сепак, Додик останува под заштита на локалната полиција, што го отежнува неговото апсење и понатамошно дејствување, наведува балканскиот сервис на Ал Џезира.