Дека цените на горивата на бензинските пумпи на автопатот во Германија вртоглаво растат, може да се докаже и со бројки. И тоа не било секогаш толку екстремно, пишуваат германските медиуми.
Бензинската пумпа на автопатот „Илертал/Запад на А7“ е само еден пример, но секоја друга бензинска пумпа на автопатот има повисоки цени на горивото од оние во градовите. На оваа бензинска пумпа литар супер чинеше 2,25 евра, додека истиот ден во Дизелдорф истото гориво чинеше само 1,66 евра.
А водата е луксуз
Дури и за дизелот, бензинската пумпа на постојката наплаќала неверојатни 2.199 евра за литар. И не се работи само за прескапо гориво. На бензинска пумпа на германски автопат, дури и основните нешта станува луксуз.
Додека на „нормална“ бензинска пумпа за половина литар негазирана вода плаќате околу 1,10 евра, на автопат ви наплаќаат 3,99 евра – за вода!
Кога започна ова ценовно лудило?
Отсекогаш беше проблем, но сега стана многу лошо. Бензинските пумпи на автопатиштата свесно ја искористуваат својата позиција, не само со повисоките цени на горивата.
Илјадници автомобили поминуваат покрај нив секој ден, а секој возач во одреден момент останува без бензин. Или ќе огладне или ќе мора да оди во тоалет. Во вакви моменти немаш избор и плаќаш ужасни цени.
Скандалот, сепак, е што цените немаат граници. И има причина за тоа. Многумина се сомневаат дека зад ова стојат корпорации како „Арал“ или „Шел“. Но, всушност, најголемиот дел од бензинските пумпи на автопатите со високи цени на горивото припаѓаат на „Tank & Rast GmbH“ со седиште во Бон, пишуваат германските медиуми.
Оваа компанија управува со 408 од вкупно 440 бензински пумпи на автопатиштата во Германија и затоа има речиси целосна монополска позиција.
Компанијата профитира од овие цени
И токму тоа е проблемот. Без конкуренција, цените растат неизмерно. Итно се потребни државни регулативи за заштита на потрошувачите, апелираат германските медиуми.
Пред пет години разликата во цената во однос на нормална бензинска пумпа беше најмногу 25 центи. Денес, жителите на Германија плаќаат и до 40 центи повеќе за литар гориво доколку треба да полнат на автопат.