28
Грчкиот министер за миграција Макис Воридис денес поднесе оставка поради истрагата на Европската унија за злоупотреба на субвенциите за грчките земјоделци, но тој негираше дека сторил какви било кривични дела, пренесува Ројтерс.
Порано овој месец, ЕУ ја казни Грција со 392,2 милиони евра за лошо управување со земјоделските субвенции од страна на владината агенција помеѓу 2016 и 2022 година.
„Бидејќи мојот статус на осомничен за кривично дело не е компатибилен со мојот статус на член на владата, а со цел да не се наруши работата на владата, поднесувам оставка“, напиша Воридис во писмо до грчкиот премиер Киријакос Мицотакис.