Хамас не би прифатил договор кој не води кон траен прекин на огнот и целосно повлекување на Израел од Газа, изјави денеска член на политичкото биро на Хамас, Гази Хамад.
Тој во изјава за Си-ен-ен додаде дека предлогот за кој моментално се дискутира не е прифатлив.
„Позицијата на Хамас е дека документот од 2 јули е основата прифатена од посредниците и ние не прифаќаме никаков договор што го игнорира прашањето за траен прекин на огнот и целосно повлекување“, рече Гази Хамад.
Тој се осврна на одговорот на Хамас на предлогот на американскиот претседател Џозеф Бајден во мај, кој повикува на прекин на огнот во Газа и израелско повлекување.
„Она што во моментов се нуди е делумно и недоволно и не ги исполнува барањата на Хамас“, додаде претставникот на Хамас.