Оливер Блуме, извршен директор на најголемиот европски производител на автомобили, рече дека потенцијалните партнери сè уште не стапиле во контакт со компанијата, но се подготвени да го „разгледаат концептот“.
Неговите коментари доаѓаат во период кога германската економија се повеќе се свртува кон военото производство, поттикнато од стравувањата дека САД ја повлекуваат поддршката за Европа. Германските компании како „Rheinmetall“ и „KNDS Group“ ги пренаменуваат фабриките за автоделови во производство на оружје.
Според економистите, фабриките за автомобили можат да го зголемат капацитет бидејќи германскиот извоз на автомобили е преполовен од својот врв пред пандемијата „Ковид-19“.
На прашањето дали „Фолксваген“ ќе го пренамени својот неискористен капацитет за производство на воена опрема, Блуме рече дека постои можност, пишува „британскиот весник“.
„Прво, мислам дека со оглед на моменталната геополитичка ситуација, одлуките што ги гледаме сега во Германија и Европа се точни, во смисла дека треба да инвестираме повеќе за повторно да бидеме безбедни.
„Не сме во конкретни дискусии за тоа што може да направи „Фолксваген“. Моето мислење е дека доколку постои можност за производство на воени возила во иднина, ќе требаше да ги разгледаме и овие концепти“, рече Блуме, додавајќи дека засега се е само отворено прашање.