НАТО официјално го именува холандскиот премиер во заминување Марк Руте за нов шеф на Алијансата откако амбасадорите од сите 32 земји-членки го одобрија неговото назначување.
Мандатот на генералниот секретар на НАТО во заминување Јенс Столтенберг требаше да заврши во октомври 2022 година, но е продолжен за уште една година, а во јули, Алијансата повторно му го продолжи мандатот за една година до октомври 2024 година.
Назначувањето на Руте за генерален секретар стана формалност откако неговиот единствен ривал, романскиот претседател Клаус Јоханис, се повлече од трката за функцијата шеф на НАТО.
Поранешниот генерален секретар Јенс Столтенбег го пофали својот наследник, наведувајќи дека тој е искрен претставник на вредностите на НАТО, силен лидер, посветен на постигнување консензус.