329
Уставниот суд на Албанија одлучи да ја укине одлуката на Собранието за разрешување на Илир Мета од функцијата претседател на таа држава, пренесува Коха.
Судот на тој начин ја поништи одлуката на албанскиот парламент на 9 јуни 2021 година, кога 104 пратеници гласаа за разрешување на Мета.
Тогаш Собранието донесе одлука со образложение дека Мета направил „тешка повреда на Уставот“, но според уставниот суд, наведените факти не претставуваат сериозно кршење на Уставот.
Илир Мета ќе продолжи да ја извршува функцијата претседател на Албанија, каде што беше избран во 2017 година.