Нема да можам да дојдам на конференцијата за Украина во Швајцарија, бидејќи имам други планови, моето отсуство нема политичко значење, изјави генералниот секретар на Обединетите нации Антонио Гутереш на прес-конференција во Женева.
Веќе имав нешто планирано за тие денови. Тоа што нема да дојдам лично нема политичко значење. Организацијата на ОН ќе биде претставена како набљудувач – одговори тој на прашањето зошто не доаѓа на конференцијата.
Гутереш додаде дека ги поддржува сите мирни решенија за Украина, засновани на почитување на Повелбата на ОН и принципот на територијален интегритет.
Претходно портпаролот на генералниот секретар Стефан Дижарик изјави дека на конференцијата за Украина ОН ќе имаат претставник на високо ниво, но Гутереш нема да присуствува.
Швајцарија на 15-16. Јуни ќе биде домаќин на мировната конференција за Украина, која ќе се одржи во близина на градот Луцерн. Русија нема да биде присутна на настанот. Портпаролот на руската амбасада во Берн, Владимир Холов, претходно за Спутник изјави дека Швајцарија на Русија не и испратила покана за учество на самитот за Украина, но дека Москва во никој случај нема да учествува.
Како што соопшти Министерството за надворешни работи на Швајцарија, на мировната конференција на ниво на лидери на држави и влади ќе бидат поканети околу 120 земји.