Според првичните информации, 13 лица се на длабочина меѓу 100 и 150 метри.
Вонредна состојба е воведена во регионот Амур на далечниот исток на Русија поради инцидент во рудникот за злато „Пионер“ во областа Зеја, каде 13 лица останаа заробени под урнатините поради пад на карпа, соопшти владата на тој регион. .
„Во регионот Амур беше воведена регионална вонредна состојба поради инцидентот во рудникот Пионер со цел да се мобилизираат сите сили и ресурси. Таа одлука е донесена на вонреден состанок што го одржа регионалниот гувернер“, се вели во соопштението од локалната власт.
Претставник на итната служба за РИА Новости изјави дека во рудникот во моментот на уривањето имало 13 лица. Контакт со нив се уште не е остварен.
Групата спасувачи, главно од регионот на Јакутија, се состои од 25 вработени, а со нив пристигнала и четири пакети опрема. Покрај тоа, хеликоптерот Ми-8 на Министерството за вонредни ситуации на Русија полета од територијата Хабаровск до местото на несреќата, пишува Интерфакс.
Оперативните служби за Интерфакс изјавија дека, според прелиминарните информации, луѓето се на длабочина од 100 до 150 метри. Засега нема информации за можни жртви.