Иран погуби „висок шпион“ обвинет за соработка со израелската разузнавачка агенција Мосад, соопштија судсските власти во Техеран. Мохсен Лангарнешин, кој беше обесен утрово, обезбедувал обемна „логистичка, техничка и оперативна поддршка“ на Мосад две години, почнувајќи од 2020 година, пренесува официјалната новинска агенција Мизан.
Едно од клучните обвиненија против Лангарнешин беше неговата наводна вмешаност во атентатот на полковникот на Иранската револуционерна гарда (ИРГЦ), Сајад Ходаи, кој беше убиен во Техеран во мај 2022 година додека се враќал дома. Нападот го извршиле двајца напаѓачи на мотоцикли. Според „Њујорк тајмс“, Израел ги информирал Соединетите Американски Држави дека стои зад атентатот.
Мизан објави дека Лангарнешин купил мотоцикл за да ги следи движењата на Ходаи, ги предал информациите на Мосад и бил присутен за време на нападот. Тој беше обвинет и за поддршка на напад врз индустриски комплекс во Исфахан поврзан со иранското Министерство за одбрана и логистика на вооружените сили.
Иран соопшти дека има „обемни разузнавачки и технички докази“ што го поврзуваат Лангарнешин со овие операции и дека тој „целосно ја признал“ својата вмешаност.