Кинеските производители на автомобили ја надминаа германската конкуренција во примената на иновациите во масовното производство, покажа истражувањето на германскиот институт САМ.
Кинеските компании сочинуваа 46 отсто од глобалниот капацитет за иновации минатата година, покажа Центарот за управување со автомобили (CAM) во извештајот објавен во четвртокот.
Една година претходно нивниот удел беше само 21 процент. Уделот на германските компании падна од 45 на 23 отсто.
За прв пат минатата година конкуренцијата од Кина ги престигна трите водечки германски производители во рангирањето. Дури пет кинески компании влегоа во првите 10 најиновативни производители на автомобили, покажаа податоците.
Германскиот „BMW“ ја потврди својата водечка позиција во рангирањето благодарение на бројните иновации во областа на автоматското возење, растојанието помеѓу полнењето на електрични возила и самата технологија за полнење.
Следат кинеските „Geely“ и „SAIC“ кои имаат добри резултати во областа на електромобилноста, системите за помош на возачот и контролите и дисплеите.
Индустријата доживува „тектонска промена на рамнотежата на силите во корист на кинеските автомобилски компании“, заклучува основачот на CAM и раководител на студијата Стефан Брацел.
CAM составува извештаи од 2005 година. Неговите експерти го оценуваат, меѓу другото, степенот на иновативност на компаниите, предностите за клиентите и оригиналноста. Тековното истражување опфаќа повеќе од 700 иновации од 30 групи со повеќе од 100 марки на автомобили.