Израелските власти побараа од Додик да ја напушти конференцијата за антисемитизам, тој замина и рече: „Се чувствував како натрапник“

Израелските власти побараа од претседателот на Република Српска Милорад Додик да ја напушти конференцијата за антисемитизам во Ерусалим, откако по него беше распишана меѓународна потерница, објавија денеска израелските медиуми.

Во написот на весникот „Израел Хајом“, кој го пренесоа сараевските медиуми, се наведува дека израелските власти „јасно му ставиле до знаење на Додик дека не е добредојден на настанот, што го принудило да го напушти местото“, објави „Бета“.

Во меѓувреме, Додик за „Џерусалим пост“ потврдил дека ја напуштил конференцијата, пренесува „Н1 Сараево“.

„Дојдов во Израел да зборувам против антисемитизмот. Наместо тоа, се чувствував како натрапник“, рече тој.