Кина: Бројот на жртви во несреќата во рудникот се искачи на четири, 49 лица се водат за исчезнати

Најмалку четири лица загинаа, шест се повредени, а 49 се водат за исчезнати во големиот уривање на рудник за јаглен во северна Кина вчера, објавија државните медиуми.

Триста пожарникари за спасување, со 60 противпожарни возила и шест кучиња трагачи и спасувачи, денес се на терен и трагаат по затрупаните рудари, пишуваат кинеските медиуми, пренесува Ројтерс.

Државната здравствена комисија во вчера вечерта соопшти дека шест повредени лица се спасени и дека испратила 15 амбулантни возила со 45 медицински работници да помогнат во спасувањето.