Климатските рекорди ги вознемириле научниците, нивната брзина и тајминг се невидени

Серијата климатски рекорди на температура, топлината на океаните и морскиот мраз на Антарктикот ги вознемири некои научници, кои велат дека нивната брзина и тајминг се без преседан.

Опасните топлотни бранови во Европа би можеле да соборат нови рекорди, соопштија Обединетите нации, пренесе Би-би-си.

Досега ова лето беа срушени четири климатски рекорди – најтоплиот ден досега, најтоплиот јуни во светот, екстремни морски топлотни бранови и рекордно ниско ниво на мраз на Антарктикот.