Пет лица загинаа, а 41 се тешко повредени откако вчера маж со својот автомобил влета во посетителите на божиќниот базар во централниот германски град Магдебург, објави Билд. Германските власти предупредуваат дека бројот на жртви може да биде поголем со оглед на бројот на повредени
За нападот е осомничен лекар по потекло од Саудиска Арабија, кој живее и работи во Бернбург, град јужно од Магдебург. „Се верува дека Саудиецот дејствувал сам“, изјави премиерот на Саксонија-Анхалт Рајнер Хаселоф.
Тамара Зиешанг, државен министер за внатрешни работи, рече дека човекот бил во Германија од 2006 година и бил постојан жител. Според информациите што ги објави германскиот весник „Велт“, осомничен за нападот во Магдебург е маж од Саудиска Арабија, роден 1974 година.
Мотивите за нападот засега се нејасни. Извор од Саудиска Арабија за „Ројтерс“ изјавил дека кралството ги предупредило германските власти за осомничениот, кој според изворот објавил екстремистички ставови на неговиот личен „X“ профил.
Според порталот „Т-онлајн“, изгледа дека напаѓачот Талеб А., инаку специјалист по психијатрија и психотерапија, всушност е активист против режимот во Саудиска Арабија. Тој на социјалните мрежи се претставува и како активист за човекови права и дел од движењето на отпорот против режимот во Саудиска Арабија. На „X“, тој исто така остро ја критикуваше германската федерална влада.
„Од моето искуство, полицијата користи валкани тактики за да го уништи нашиот антиисламски активизам“, напиша тој на платформата. И непосредно пред нападот во Магдебург, тој ја обвини федералната влада дека ги цензурира жртвите на арапските режими и дека не дава доволно поддршка во пост.
Германски Билд објави видео на кое се гледаат последните секунди пред апсењето на возачот кој со својот автомобил удри во луѓето собрани на божиќниот пазар во Магдебург. На него се гледа како осомничениот клечи на земја покрај БМВ-то, а полицаецот, вперувајќи му пиштол, вика: „Легни на подот!