Најмалку 12 лица починаа од колера, а 95 се хоспитализирани во општината Чвана во главниот град на Јужна Африка, Преторија.
Само годинава од оваа болест починаа стотици лица во Малави и Мозамбик, а мал број случаи беа пријавени претходно во Јужна Африка.
Како што потсетува Блумберг, колерата е болест слична на дијареата и е предизвикана од вирус што најлесно се шири во нехигиенски услови.
„Општината Чвана издаде известување во кое ги повикува заедниците во областа Хаманскрал да не пијат вода од чешма“, се наведува во соопштението на Одделот за здравство во провинцијата Гаутенг, која ги опфаќа Преторија и Јоханесбург, најголемиот град во Јужна Африка.
Во Фри Стејт, провинција на јужната граница на Гаутенг, потврдени се шест случаи на колера, а 76 лица ги посетиле болниците со дијареални инфекции, соопшти државното Министерство за здравство.