И покрај нервозата и некохерентното однесување на некои функционери од РС, Босна и Херцеговина од сето ова излегува посилна – порача од Генералното собрание на ОН, каде се усвои Резолуцијата за геноцидот во Сребреница, Жељко Комшиќ, член на Претседателството на БиХ, пренесува „Н1“.
„Усвојувањето на Резолуцијата за геноцидот во Сребреница на Генералното собрание на Обединетите нации стави крај на повеќедеценискиот процес, кој започна со обвинението за геноцид, продолжи со изрекување правосилни пресуди пред меѓународните судови, а денес конечно заврши со усвојувањето на Резолуцијата во Обединетите нации. Со ова, на светско ниво, по правниот консензус кој беше изразен преку пресудите на судот формиран од Обединетите нации, беше постигнат политички консензус за прашањето за геноцидот што беше извршен во Босна и Херцеговина, односно во Сребреница. . Мислењето на оние кои се надвор од постигнатиот правен и политички консензус воопшто не е релевантно“, изјави тој.
Според него, ова било и можност за „преживеаните жртви на геноцидот да свртат нова страница во нивните животи“
„Ќе започнат одново, со крената глава, да ги живеат своите животи со гордост и достоинство, сами, во својата татковина, во својата земја како победници над криминалците кои сега гнијат по затворите. Исто така, ова е можност за сите оние кои имаат општествена и политичка одговорност кон геноцидот извршен во нивно име, да изградат нов однос кон тој факт, однос кој би бил на линијата на она што е цивилизирано, доколку сакаат добро за самите себе“, рече Комшиќ.
За Комшиќ, ова било ситуација од која Босна и Херцеговина, и покрај нервозата и некохерентното однесување на некои „функционери од помал ентитет“ ќе излезела посилна.
„И покрај нервозата и некохерентното однесување на некои функционери од помал ентитет кои во овој историски момент не се особено важни за историјата или нешто друго, и покрај нивните смешни најави за катаклизма, Босна и Херцеговина излегува посилна. од сето ова, а тоа е најважно, затоа што силна Босна и Херцеговина е единствената гаранција дека геноцидот што беше направен повеќе не е возможен да се повтори. Нашата победа лежи во таа сила“, порача Комшиќ.