Според прелиминарните резултати од пописот на населението, Косово има 1.586.659 жители, соопшти денеска Агенцијата за статистика.
Директорот на Агенцијата Авни Кастрати на прес-конференцијата изјави дека во прелиминарните резултати од пописот не се пријавени државјани во странство.
За косовската дијаспора пописот ќе трае до 21 август, а досега според првичните податоци се регистрирани близу 600.000 жители на дијаспората.
Од вкупно 1.586.659 жители, 795.046 се мажи, а 791.614 се жени.
Според податоците на Агенцијата за статистика, бројот на жители е зголемен во девет општини, додека во 29 локални самоуправи тој број е намален.
Кастрати нагласи дека пописот во општините на север е во голема мера бојкотиран.
„Во четирите општини на северот на Косово имаше бојкот во голема мера, но има учество на граѓаните.