Основното јавно обвинителство Лесковац соопшти дека ќе поднесе жалба на одлуката на судот да не го прифати нивниот предлог и да му одреди притвор на С.В. (55), осомничен дека од отец Симеон ја украл иконата „Умиљење“, стара повеќе од два века, чија вредност се проценува на 82 милиони динари.
Осомничениот прво бил сослушан во обвинителството, по што обвинителството му предложило на судот да биде приведен, се вели во соопштението на обвинителството.
Судот не го прифати предлогот за определување притвор, туку на осомничениот му одреди забрана за приближување, средба и комуникација со одредени лица и забрана за напуштање на живеалиштето со привремено одземање на патната исправа, на кое решение обвинителството ќе се жали.
За да се утврдат сите факти и околности и да се приберат доказите и податоците потребни за одлучување, јавниот обвинител донесе наредба за спроведување истражна постапка.
Министерот за внатрешни работи Ивица Дачиќ претходно објави дека отец Симеон ја наследил иконата од монасите кои пред него живееле во Каруље на Света Гора.
Според соопштението на МУП, осомничениот ја искористил тешката здравствена состојба на отец Симеон, кој се наоѓа во болницата во Ниш, додека иконата била пронајдена при претрес на станот на осомничениот.