Кремљ тврди дека се повеќе платеници од трети земји доаѓаат да се борат за Украина, особено од Хрватска, Албанија и Косово, објави во петокот руската новинска агенција ТАСС.
„Се повеќе го гледаме доаѓањето на платеници од трети земји, особено од Албанија и Хрватска, косовски милитанти, па дури и џихадисти со борбено искуство од Сирија“, соопшти Кремљ во петокот, откако рускиот претседател Владимир Путин имаше телефонски разговор со германскиот канцелар Олаф Шолц.
Портпаролот на руското Министерство за одбрана Игор Конашенков претходно за ТАСС изјави дека на украинската страна се борат околу 200 платеници од Хрватска. Затоа на разговор е повикан хрватското воено аташе во Русија, бригадниот генерал Жељко Акрап, кој во четвртокот одбил да добие руска протестна нота поради, како што тврди Москва, присуството на голем број хрватски „платеници“ во Украина.
„Тоа е приватна иницијатива. Нема никакво влијание на државата“, изјави во петокот на новинарите министерот за внатрешни работи на Хрватска, Давор Божиновиќ, додавајќи дека му се чинело дека бројката е претерана.
Државниот секретар во Министерството за надворешни работи Франо Матошиќ во петокот рече дека нотата до военото аташе е „апсолутно неприфатлива“ и дека има само неколку хрватски доброволци во Украина.