Косовскиот премиер Албин Курти во интервју за британскиот весник „Тајмс“ изјави дека Русија тесно соработува со Србија во кампањи за дезинформации и сајбер напади врз оние балкански земји кои ја поддржуваат Украина, тврдејќи дека Кремљ ги користи своите врски со Белград за да поттикне тензии во Западен Балкан.
„Русија тесно соработува со Србија во кампањи за дезинформација и сајбер напади против оние балкански земји кои ја поддржуваат Украина“,“, тврди Курти.
Тој, исто така, додаде на обвинувањата дека Кремљ ги користи своите врски со Белград, близок сојузник, за да ги поттикне тензиите во Западен Балкан.
„На Балканот Србија се однесува како „Мала Русија“.
Тој додаде дека дезинформациите делуваат како втор фронт на војната, а српските медиуми ги прикажуваат настаните на север како провоцирани од Владата на Косово.
Курти смета дека целта на овие операции е да се предизвикаат дополнителни судири и да се шират лажни вести.
Истражувањето на Националниот демократски институт на Косово, непрофитна организација финансирана од САД, Програмата за развој на ОН и Пикаса Аналитика, компанија за мониторинг на медиумите, во периодот од јануари 2022 година до ноември минатата година покажа дека мета биле и жените, особено политичарите чиј кредибилитет беше поткопана преку договорени кампањи за дезинформација.
Исто така, истрагата објавена овој месец од Балканската мрежа за истражувачко новинарство покажа дека Русија има изградено мрежа на бизнисмени, политичари и медиумски организации на Балканот од почетокот на инвазијата на Украина, кога многу земји во регионот презедоа чекори за блокирање медиумски канали.
„Кремљ сега користи дезинформации на Балканот не само за да ги дестабилизира и онака кревките демократии во регионот, туку и да повлече лажни паралели меѓу војната во Украина и бомбардирањето на НАТО на Белград во 1999 година во екот на војната во Косово. Бомбашките напади продолжуваат да поттикнуваат длабоки антизападни чувства во Србија, а конфликтот во Косово сè уште е жариште на дезинформации; во 2019 година, „Балканска линија“, заеднички игран филм продуциран од Русија и Србија, ја прикажува руската војска како брза на аеродромот во Приштина за да спречи да падне во рацете на криминалните банди. Во реалноста, руските војници накратко го окупираа аеродромот како одмазда поради тоа што Москва беше изоставена од мировниот договор“, пишува британскиот медиум.
Претходно овој месец, владата на Косово претрпе голем дистрибуиран напад за одбивање на услугата на критичните системи (форма на сајбер напад што има тенденција да го преоптоварува системот, принудувајќи го да се сруши), што ги оневозможи официјалните веб-страници околу еден час и е се верува дека го извршиле руски хакери