Лекарите и медицинските сестри од Здравствениот дом во Чачак денес беа информирани дека треба да започнат со дежурство пред тунелот Муњино Брдо на делот од автопатот на западот од Србија што Александар Вучиќ го отвори за сообраќај иако нема дозвола за користење.
Бизарната информација за лекарите што дежурираат покрај тунелот неофицијално дозна агенцијата Бета, а според нив, дежурствата се на доброволна основа и веќе има пријавени. Лекарите и медицинските сестри што ќе дежурираат покрај тунелот Муњино Брдо ќе добиваат и дневници, но сè уште не се информирани колку би им биле.
„Пак ништо не научивте“: Вучиќ на удар за отворање на автопатот без дозвола за користење, спорниот тунел
Патем, Вучиќ неодамна беше критикуван за отворање на дел од автопатот пред да бидат завршени сите технички услови за гарантирање на безбедноста, а тунелот Муњино Брдо е особено проблематичен.
Владата на Србија донесе Уредба со која се суспендира Правилникот за безбедност на тунелите, за делницата да може непречено да се отвори, а со оглед на тоа што Вучиќ многу брзаше да ја отвори. Тој ги доведе во прашање проценките на експертите за потенцијално опасните свлечишта што би можеле да го загрозат тунелот Муњино Брдо.
Телевизијата „Инсајдер“ претходно објави дека инженерите задолжени за стручен надзор едногласно одбиле да ги потпишат документите што се предуслов за потврдување дека делницата е завршена и погодна за позитивен извештај од Комисијата за технички преглед и пуштање во употреба.