Лидерот на Христијанско-демократската унија (ЦДУ) и кандидат на Унијата (ЦДУ/ЦСУ) за германски канцелар Фридрих Мерц денеска го критикуваше германскиот канцелар Олаф Шолц, велејќи дека на Германија „итно и треба сосема поинаква политика“.
За време на својот говор во Бундестагот, тој рече дека Шолц изгледа „не е од овој свет, туку од друг космос“, оценувајќи дека актуелниот канцелар ја подели Германија.
Тој изјави дека, доколку биде избран за канцелар, „никогаш нема да соработува“ со екстремно десничарската партија Алтернатива за Германија (АфД). ‘
Мерц рече дека ако победи на изборите, ќе ја промени климатската политика на Германија, ќе работи на контролата на имиграцијата и ќе го зајакне германскиот „транспортен центар“ и дигиталните стандарди.
Тој додаде дека на Германија и олесни падот на владејачката коалиција предводена од Шолц.