Макрон ги повика главните партии да формираат владејачка коалиција

Францускиот претседател Емануел Макрон денеска ги повика главните партии да ги здружат силите за да формираат солидно мнозинство во Националното собрание, во неговото прво јавно обраќање по предвремените избори во неделата, кои доведоа до ќорсокак на парламентот.

Изборите, кои Макрон неочекувано ги свика по поразот од екстремно десничарскиот Национален собир (РН) на европските избори во јуни, ја втурна Франција во неизвесност, со три политички дивергентни блока и без јасен пат до формирање влада.

Во писмото до регионалните весници, Макрон ги повика „мејнстрим партиите со републикански вредности“ да формираат владина коалиција и рече дека се надева дека ќе избере премиер од таква група.