Мал авион ја промаши пистата и удри во луѓе во Хрватска

Помал авион на Хвар ја промаши спортската писта во Староградско поле и удри во луѓето кои биле во близина, а хрватските медиуми јавуваат дека има и повредени. Во несреќата што се случи денеска во попладневните часови на Хвар, повредени се четири лица, но никој од нив не е во животна опасност.

Според информациите на порталот Далмација денеска, авионот удрил во државјанки на Германија, од кои едната со хеликоптер од Хвар итно е префрлена во КБЦ во Сплит. Втората жена пешак, според неофицијални информации, го избегнала ударот на авионот фрлајќи се на страна.

Патничка од авионот со кој управувал француски државјанин се здобила со полесни повреди.