На вонредниот самит на НАТО во Брисел, БиХ беше спомната како наводно загрозена земја, но Белград и Приштина не беа споменати, изјави денеска во Брисел хрватскиот претседател Зоран Милановиќ, без да прецизира за каква интеграција мисли.
„Предложив да го интегрираме Косово, конечно да стане целосна држава“, рече Милановиќ, чија изјава во живо ја пренесуваа хрватските портали.
Тој, сепак, додаде дека четири членки сè уште не ја признале независноста на Косово.
Изразувајќи го својот личен впечаток, Милановиќ рече дека верува оти Србија, која има избори за неколку дена, како што наведе, „долго време е во идентитетска криза и дека е тешко да се разбере дека тоа е само фуснота за Русија“.
„Србија е партнер во НАТО, исто како и Босна, мора да има јасна западна перспектива, важно е јасно да се понуди во оваа ситуација, па ако разбира, разбира, ако не разбира, не разбира, “, изјави Милановиќ.
На новинарско прашање дали подетално е разговарано за ситуацијата во БиХ, која е земја под руски притисок, Милановиќ рече:
„А што, Србија не е под руски притисок? Ако го сака тој притисок, нека биде под него. БиХ мора да се уредува во своите граници, бидејќи нема единствен глас за ова прашање“.