Руското МНР денеска оцени дека осудата на претседателот на Република Српска Милорад Додик ќе има катастрофални последици за Босна и Херцеговина, но и за Балканот во целина.
Министерството истакна дека обвиненијата против Додик се засноваат на „одредбите на псевдозаконот произволно наметнат на суверена Босна и Херцеговина од самопрогласениот „висок претставник Кристијан Шмит“ и се надвор од правната рамка.
„Судењето“ кое траеше една и пол година од самиот почеток не беше ништо повеќе од пародија на судството и отворено исмевање на основите на владеењето на правото. Прогонството на Милорад Додик има чисто политички карактер, инспириран од Западот“, се вели во соопштението, пренесе Спутник.
Руското Министерство за надворешни работи повика да се избегне зголемување на тензиите во Босна и Херцеговина, што би било удар за стабилноста на Балканот.
„Одговорноста за ваквиот развој на настаните ќе биде на оние кои фабрикуваа неуставен и антидејтонски случај против Република Српска и, спротивно на сета правна логика и здрав разум, го поддржуваа до ден-денес, доведувајќи го процесот на меѓуетничко помирување во ќорсокак. Москва очекува дека сите горенаведени околности ќе бидат земени предвид во соопштението на руското Министерство.