Руското Министерство за одбрана ја обвини Украинската служба за безбедност (СБУ) дека „подготвува и веќе спроведува“ режирани видеа од цивилни жртви во украинските градови.
„Го свртувам вниманието на медиумите на фактот дека СБУ подготвува и веќе реализира провокации по рецептот на „бели шлемови“. Во украинските градови веќе се подготвени видеа со наводни „масовни жртви“ меѓу цивилното население на Украина“, изјави портпаролот на Министерството за одбрана на Русија, Игор Конашенков.
Тој изјави дека овие видеа се емитуваат на Телеграм каналите и социјалните мрежи под контрола на Киев и додаде дека нивната цел е да ја обвинат Русија за наводни случајни и непропорционални удари со цел да го заплашат локалното население и да го емитуваат на западните канали.
Конашенков повтори дека Русија не ги напаѓа украинските градови и дека цивилите не се загрозени.
Советникот на украинскиот претседател Алексеј Арестович изјави дека најмалку 40 војници и десетици цивили загинале во воздушни и ракетни напади на руската армија врз Украина.
„Знам дека повеќе од 40 украински војници се убиени и неколку десетици ранети, а се шпекулира и за десетици убиени цивили“, изјави Арестович за новинарите, а пренесе „АФП“.