Севернокорејските војници повторно учествуваат во борбите против Украина, но овојпат дејствуваат во помали групи и со многу поголема претпазливост, откако претрпеа големи загуби во претходните конфликти, јавуваат украинските војници од првите редови. Командант на вод зборувајќи за украински воен телевизиски канал ја потврди информацијата што веќе ја објавија високи офицери: и покрај наводното 4.000 убиени и ранети од вкупно 12.000 војници, Корејската народна армија продолжува да им дава поддршка на руските сили.
„Тие ја сменија тактиката, го намалија бројот на војници во нивните јуришни групи“, рече Станислав Краснов од 95-та воздухопловна бригада на Украина. Тој додаде дека севернокорејските војници сега оперираат во помали групи од 10 до 15 луѓе, додека претходно оперирале во поголеми формации од по 50 војници.
Говорејќи за „Тв Армија“, Краснов истакна дека Севернокорејците сè уште оперираат во поголеми единици од руските војници, но се многу повнимателни.
„Сега се движат многу повнимателно, што е видливо и на снимките од воздух. Веќе го нема она претходното храбро марширање низ полињата како сè да е нивно“, објасни тој.
Буданов: Северна Кореја стана најголемиот снабдувач на оружје на Путин
Шефот на украинската разузнавачка служба откри дека Северна Кореја и испорачува на Русија дури половина од артилериските гранати што ги користи на бојното поле. Иако минатиот месец украинските разузнавачи тврдеа дека половина од овие гранати биле неисправни, генерал-полковник Кирил Буданов сега нагласува дека Северна Кореја станала најголемиот снабдувач со оружје на рускиот претседател Владимир Путин.
Говорејќи на конференцијата во Киев, Буданов рече дека 49 отсто од муницијата од 122 мм и 152 мм, како и ракетите за повеќекратни системи за ракетни фрлачи од 122 мм (MLRS) доаѓаат од Северна Кореја.
Тој особено го истакна напредокот во прецизноста на севернокорејските балистички ракети КН-23.
„Првата употреба покажа мала точност“, рече тој. „Меѓутоа, со помош на руски експерти беше извршена модернизација, сега точноста на овие ракети е целосно прифатлива за овој тип на оружје“, вели тој.
Буданов предвидува дека Северна Кореја оваа година ќе испрати уште 148 ракети КН-23, како и меѓу 1.500 и 2.000 војници за да ги заменат 4.000-те ранети или убиени на украинското бојно поле.
Двајца заробени севернокорејски војници зборуваа за суровите услови на бојното поле Курск.
„Јас сум единствениот преживеан од мојата единица“, му рекол еден од војниците на јужнокорејскиот новинар.
„Некои од моите другари се разнесоа за да избегнат зароабување, оставајќи ги само остатоците од нивните тела… Среде зима, со вака паѓањето на снегот, лежеа таму… а мирисот на крв сè уште ме прогонува“, изјави тој.