400
Новиот градски парк што започна да се создава крај реката Вардар во Карпош 4, наскоро ќе започне да го добива својот препознатлив лик, информираат од Град Скопје.
На конкурсот што беше распишан минатиот месец до Град Скопје, пристигнале 19 идејни решенија, а мешовитата комисија на Град Скопје и Општина Карпош издвоила четири од нив како најкреативни, иако ниеден од трудовите не ја добил првата награда.
– Четирите наградени трудови (две втори и две трети награди) се издвојуваат по одличните решенија за создавање на ново шеталиште на кејот во Карпош, градски шумски појаси во делови на паркот, цветни алеи, урбана опрема која одговара на просторниот контекст, како и отворени сцени и други програмски содржини, соопштија од Град Скопје.