Најмалку 42 лица загинаа во напад на исламисти во Конго

Најмалку 42 лица загинаа во напад на бунтовници, за кои постои сомневање дека се исламисти, во источната провинција Северен Киву во Демократска Република Конго, соопштија денеска двајца претставници на локалната администрација.

Нападот се случил во средата во селото Мајкенго на територијата Луберо, соопштија официјални лица, а портпаролот на армијата на Конго за регионот го потврди нападот.

Менаџерот на Лубер, Ален Кивева, изјави дека утрово биле пријавени меѓу 20 и 30 жртви и потоа додаде дека очекува таа бројка да се зголеми, пренесува „Ројтерс“.