Најмалку 50 мртви или исчезнати по израелскиот напад во Газа

Повеќе од 50 Палестинци беа убиени или се водат како исчезнати по израелскиот воздушен напад врз станбена зграда во областа Џабалија ал-Балад на север од Појасот Газа, соопшти денес Цивилната заштита.

Екипите на терен го опишаа местото на настанот како „страшен масакр“, наведувајќи дека четири тела биле извлечени од урнатините на четирикатната зграда, додека шест лица биле спасени, објави „Ал Џезира“.

Сепак, се верува дека повеќе од 50 лица сè уште се заробени под урнатините.