Најмалку 52 загинати во борбите на границата со Јужен Судан

Најмалку 52 лица, меѓу кои жени и деца, како и полицајци, загинаа во нападите долж границата со Јужен Судан, изјави денеска Булис Кох, министер за информации на суданскиот регион Абијеј.

Дополнително, најмалку 64 лица се повредени во една од најсмртоносните рации во серијата напади што избувнаа од 2021 година поради граничниот спор во Судан.

Вооружени млади од јужната суданска држава Варап извршија рација во соседниот регион Абијеј, рече Кох, и додаде дека поради моменталната безбедносна ситуација и зголемениот страв, воведен е полициски час.