Најмалку 59 Палестинци се убиени денес во Појасот Газа

Во израелските напади во Појасот Газа денес се убиени 84 Палестинци, соопштија палестински здравствени претставници.

Најмалку 59 Палестинци беа убиени во градот Газа и северната енклава, додека 16 беа убиени додека чекаа помош во близина на коридорот Нецарим, објави „Ал Џезира“.

Телевизиската станица соопшти дека покрај нападите врз Иран, кои започнаа на 13 јуни, Израел ги продолжи нападите врз Појасот Газа.

Конфликтот меѓу Израел и палестинското милитантно движење Хамас започна откако Хамас го нападна југот на земјата во октомври 2023 година, кога, според израелски извори, беа убиени околу 1.200 луѓе, а 251 заложник беше земен.

Од почетокот на конфликтот во Газа, според палестински извори, убиени се повеќе од 55.000 Палестинци.