Најмалку четворица пилоти на американски патнички авиони виделе мистериозни, тркалезни светла кои се движат со извонредна брзина на небото над Орегон, јавуваат денеска американските медиуми.
Тие го пријавиле своето искуство на контролите на летот, објави „Њујорк пост“.
На снимката од нивниот разговор со контролата на летање, се слуша како еден од пилотите на Јунајтед ерлајнс прашува дали има воени активности во областа, на што контролорот одговорил не, но додал дека добиле повеќе пријави за чудни светла во небото.
Пилотот подоцна изјавил дека видел три или четири објекти на небото како се движат нагоре-надолу со неверојатна брзина и се искачуваат на висина од 50.000 стапки, пренесува „Танјуг“.
Двајца други пилоти на Хоризон ерлајнс опишаа слични мистериозни црвени светла кои се движат со екстремна брзина во цик-цак шема.