Најмалку 28 лица загинаа во експлозија во џамија во пакистанскиот град Пешавар.
Во моментот на експлозијата во џамијата имало голем број верници и се претпоставува дека се повредени најмалку 150 лица.
Дел од зградата на џамијата е уништен, а властите велат дека луѓето се заробени под урнатините.
Некои од повредените се пренесени во локалните болници.
Причината за експлозијата сè уште не е позната.
Шебаз Шариф, пакистанскиот премиер, остро го осуди нападот.
Во изјавата на Шариф се наведува дека оние кои стојат зад нападот „немаат ништо заедничко со исламот“.
„Целата нација е обединета против терористичкиот напад“.
Експлозијата се случи за време на попладневната молитва во градот во северозападниот дел на земјата, во близина на границата со Авганистан.
Во тек е спасувачка операција во џамијата и „спасувачите ги извлекуваат телата“, изјави Шафиулаф Кан, заменик-градоначалник на Пешавар.
„Во моментов, наш приоритет е да ги спасиме луѓето заробени под урнатините“, рече Кан.
Мухамед Асим, портпарол на локалната болница, изјави дека некои од повредените се во критична состојба.
„Ова е итен случај“, додаде тој.
Локалните медиуми објавија дека на местото на несреќата пристигнала и полициска екипа за демонтирање бомби.
Во март минатата година во експлозија на бомба во шиитска џамија во Пешавар загинаа неколку десетици луѓе.