Неколку мајмуни спасиле шестгодишно девојче од силување. Таткото на девојчето вели дека таа сега би била мртва да не интервенирале мајмуните.
Силувачот го намамил девојчето во напуштена куќа во Багпат, град во северната индиска држава Утар Прадеш.
Неколку индиски медиуми објавија дека овој необичен случај се случил минатиот викенд.
Предаторот ја соблекол девојката гола и се обидел да ја силува, кога се појавиле неколку мајмуни, пишува британски „Дејли Мејл“, повикувајќи се на изјавите на родителите на девојчето.
Потоа го избркале предаторот, а преплашеното девојче се вратило дома и им кажало на родителите дека мајмуните ја спасиле од напаѓачот.
“Да не интервенираа мајмуните, ќерка ми сега ќе беше мртва. Си играше надвор кога дошол обвинетиот и ја одвел. Тој и се заканил на ќерка ми дека ќе ја убие”, рекол неименуваниот татко на девојчето.
Безбедносните камери го снимиле напаѓачот како ја држи девојката за раце и се шета со неа во селото Дула.
Станува збор за помлад маж, кој најверојатно живее во соседното село, а кој се уште не е идентификуван.
Полицијата покрена истрага за обидот за силување, а напаѓачот се уште е во бегство.