Англискиот јазик е вториот јазик кој се  зборува од најмногу луѓе јазик во светот и главен работен јазик на европските институции. Но тој  може да отпадне од листата со официјални јазици на ЕУ, откако Британија го напушти блокот, изјави Данута Хубнер, претседател на уставната комисија на Европскиот парламент, цитирана од Ројтерс. Симболичното, макар и непрактично решение, но  ќе се намали уште влијанието на Лондон на континентот и ќе  ги надразни Ирците, забележуваат агенциите.

Секоја земја членка на ЕУ има право да номинира еден јазик на ЕУ за официјален. Англискиот е најмногу  зборуваниот  јазик во Европа и официјален јазик во три земји членки, но само Велика Британија го избрала официјално во Брисел. Ирска  го избра гаелскиот, а Малта – малтешки. Откако Велика Британија излезе од ЕУ, англискиот може да отпадне, изјави Хубнер на прес-конференција за правните последици од британскиот референдум.

Англискиот може да остане работен јазик, дури и ако веќе не е официјален, но зачувувањето му како официјален јазик ќе бара согласност од сите земји членки , изјави Хубнер. Можно е и правилата да се менуваат, за да им овозможат на земјите да номинираат повеќе од еден официјален јазик, додаде таа.

Францускиот беше доминантен во европските институции до 90-тите години, кога влезот на Шведска, Финска и Австрија  го промени балансот. Ефектот се засили од централноевропските и источноевропски земји, кои го  прифатиле англискиот како втор јазик. Документите и правните текстови на ЕУ се преведени на сите 24 официјални јазици на заедницата. Ако англискиот не е официјален јазик, Велика Британија ќе мора сама да  ги врши овие преводи. Англискиот е и еден од трите јазици кои се користат за аплицирање за патенти во ЕУ. Ова му дава на англиското говорно подрачје истражувачи и компании предност пред конкуренцијата, забележуваат агенциите