Израелскиот премиер Бенјамин Нетанјаху беше вербално нападнат за време на говорот на Меморијалниот ден на Израел во Ерусалим.
Мрачниот календарски настан беше надополнет со тагата и зовриениот јавен гнев поради неуспесите на 7 октомври, кога борците на Хамас од Газа упаднаа во јужен Израел и убија 1.200 луѓе, главно Израелци, чин што ја поттикна војната.
„Постојано работиме да ги вратиме сите, живите и паднатите подеднакво, да ги вратиме сите дома. Веќе ги вративме околу половината и ќе ги вратиме сите“, рече израелскиот премиер.
Набргу по завршувањето на својот говор на гробиштата во планината Херцл, еден маж во толпата се слушна како извикува „ѓубре“ на хебрејски во насока на израелскиот лидер.
Со недели илјадници Израелци одржуваат митинзи секоја недела во крајбрежниот град Тел Авив барајќи премиерот да се повлече.
Многумина веруваат дека тој треба да направи повеќе за да обезбеди ослободување на десетици заложници заробени од Хамас на 7 октомври.
Нетанјаху го отфрли барањето на Хамас за прекин на војната, велејќи дека тоа ќе и овозможи на групата да ја задржи контролата врз Газа и на крајот да изврши уште еден напад како тој од 7ми октомври.