Економскиот раст е неочекувано висок во САД, но се повеќе на сметка на алармантно задолжување. Независното мониторинг тело на американскиот Конгрес дури предупредува дека САД ризикуваат слична криза на пазарот на обврзници со која се соочи Велика Британија пред година и пол, кога тогашната премиерка Лиз Трас непромислено најави намалување на даноците, а како резултат британските обврзници драстично паднаа.
Долгот на САД веќе изнесува 35 трилиони, што е речиси 130 проценти од БДП (во историјата, таквите долгови генерално завршуваа со банкрот), а во 2026 година, САД треба да платат трилион долари само за камата. Ако Трамп дојде во Белата куќа во ноември, ќе ја продолжи политиката на намалување на даноците, а се очекува и да го намали данокот на добивка од 21 на 15 отсто.